La iniciativa busca promover la participación ciudadana, al traviés de dos encuestes, na fase de diagnósticu del Plan de Movilidá Sostenible 2021-2030
El Conceyu de Xixón pon en marcha la campaña “Xixón mueve contigo” coles mires de promover la participación ciudadana na fase de diagnósticu del procesu d’ellaboración del Plan de Movilidá Sostenible 2021-2030.
Al traviés de dos encuestes online, la Conceyalía de Mediu Ambiente y Movilidá busca llograr información sobro vezos xenerales de movilidá, trayecto origen-destino y maneres de desplazamientu de el xixoneses, según caracterizar la movilidá xenerada a centros de trabayu y d’estudios de la ciudá.
Les encuestes, de calter anónimu, podrán rellenase al traviés de la web municipal hasta’l próximu 31 de marzu.
La campaña cunta con una estratexa d’espardimientu diseñáu pola Oficina Municipal de Movilidá que se va articular al traviés de les entidaes miembru del Foru de Movilidá, los Conseyos de Distritu, asociaciones vecinales, xuveniles, de mayores o de muyeres, la Milla de la Conocencia o los polígonos industriales de la ciudá. Tamién ente’l personal municipal del conxuntu del Grupu Conceyu.
A partir de mañana, van distribuyise amás 50 MUPIS (25 en castellán y 25 n’asturianu) por tola ciudá.
El lema escoyíu pa la campaña, “ Xixón muévise contigo”, va sirvir como filo conductor pal conxuntu d’iniciatives de participación ciudadana que se van poder en marcha nes distintes fases del procesu d’ellaboración del nuevu Plan de Movilidá Sostenible.
Enllaces a les encuestes:
§ http://bit.ly/habitosdemovilidad
§ http://bit.ly/movilidadtrabajadoresyestudiantes