Saltar al contenido
Portada » Últimas Noticias » El Conceyu presenta los datos preliminares sobro la presencia de cianobacterias n’agües de Xixón

El Conceyu presenta los datos preliminares sobro la presencia de cianobacterias n’agües de Xixón

El Conceyu de Xixón presentó a la Comisión Técnica de la Mariña, celebrada esta mañana, los datos preliminares sobro la presencia de cianobacterias n’agües continentales y mariñes de Xixón, enmarcaos nel estudiu encargáu pol Consistoriu a la Universidá d’Uviéu..

Pa la ellaboración d’esti estudiu, dende’l pasáu mes d’abril, tomáronse amueses semanalmente en cada unu de los siete puntos permanentes establecíos en ríu Piles al so pasu por Viesques; canal de Viesques; aníu del ríu Piles; llagunes del parque d’Isabel La Católica; ponte del Piles; desaguada del Piles y mar Cantábricu al altor del Sanatoriu Marítimu.

En dos d’estos siete puntos, los allugaos nel aníu del Piles y les llagunes del Parque d’Isabel La Católica, detectóse la presencia d’organismos con potencial tóxicu y efectos, pa les persones, a curtiu, mediu y llargu plazu.

Les toxines más habituales de les clases detectaes tantu nel aníu del Piles como nes llagunes del parque son microcystinas, anatoxinas, saxitoxtinas y aplixiatoxina.

Yá sía por ingesta directa de l’agua, como por contactu con ella, estos organismos pueden provocar inflamaciones, irritaciones y/o dermatitis severes, por ello’l Conceyu de Xixón encamienta evitar la práctica d’actividaes deportives y, poques gracies, el bañu nestes zones, por motivos de salú pública, hasta que nun se conoza l’informe completu ellaboráu pola Universidá.