XIXÓN, 19 (EUROPA PRESS)
L’ALCALDESA DE XIXÓN, Ana González (PSOE), avanzó esti llunes que’l Conceyu va estudiar la manera de poder sumase al proyectu de la Fundación Mar de Borrina ‘Precisamos un plan para’l barriu del Oeste’.
Asina lo indicó, en declaraciones a los medios de comunicación tres la visita a les instalaciones de la citada entidá para conocer de barganal esti proyectu.
González resaltó que-y paeció “francamente interesante y motivador” ver cómo trabayen la ciudadanía y les organizaciones sociales, en concretu nel barriu del Oeste como ye esti casu.
Esplicó que lleven yá un añu nesti procesu, con una peramplia participación de persones que pertenecen a distintos ámbitos. Tou ello para construyir comunidá en visu a xenerar bienestar, según la rexidora.
Coles mesmes, señaló que Mar de Borrina realizó un diagnósticu previu de necesidaes del barriu y recoyó un centenar de propuestes que van ser analizaes, según la so viabilidá a la de poneles en marcha. Sobro estes propuestes, apuntó que ye un trabayu de “gran rigor y seriedá”.