Va habilitase’l doble sentíu ente avenida de Castilla y la Puente Inglés aprovechando la corte de tráficu causáu poles obres de la EMA
El Conceyu de Xixón va habilitar un carril de circulación nel paséu del Doctor Fleming que va dexar la incorporación de vehículos ente la carretera de Somió y la Puente Inglés. La midida, que dota de doble sentíu a la vía nesti tramu, corresponder con una de les propuestes incluyida nel Estudiu de pacificación y movilidá sostenible de la redolada d’El Molinón, presentáu’l pasáu mes de payares, y pretende xenerar una alternativa a la circulación pela avenida de Castilla.
Les conceyalíes de Movilidá y Obres Públiques van desenvolver esta actuación aprovechando la corte de tráficu del paséu, que va tener llugar a partir de mañana, de resultes de les obres del pozu de nubes del parque de los Hermanos Cstro que ta acometiendo la Empresa Municipal d’Agües. Va Traer cambeos na rotonda allugada na confluencia de l’avenida de Castiella, el paséu del Doctor Fleming y la carretera de Somió, de manera que se dexe’l xiru a la izquierda dende esta postrera escontra’l nuevu carril que va escurrir a veres del ríu Piles.
Coles mesmes, va movese’l pasu de peatones que crucia l’avenida de Castilla, xenerando d’esta miente un corredor piatonal más natural ente los paseos del Doctor Fleming y el Muriu de San Llorienzo.