Pineda: “Nun ye un problema de dineru, ye un problema de normes presupuestaries. El Conceyu tien dineru pa desenvolver los proyectos que quier acometer na ciudá’l próximu añu”
La concejala de Facienda, Marina Pineda, anunció güei que’l Conceyu va allegar a una prórroga presupuestaria en 2021 énte la imposibilidá d’iguar un presupuestu municipal pol desequilibriu esistente ente ingresos y gastos, deriváu, principalmente, de la crisis xenerada pola covid-19.
Asina lo esplicó la conceyala en rueda de prensa, xuntu al director Económicu-Financieru, Isaac Sánchez, tres comunicalo a los grupos políticos primeramente, na Comisión de Facienda celebrada esta mañana.
Según les previsiones de la Dirección Económicu-Financiera de cara a 2021, l’escenariu que se plantega pal Conceyu de Xixón ye d’una perda d’ingresos de casi ocho millones d’euros (7.977.903 euros), un 3’42% menos d’ingresos qu’en 2020, y un aumentu de gastos cimeru a los ocho millones d’euros (8.377.043 euros), esto ye, un 3’59% más que’l pasáu añu.
Con estes previsiones, l’aforru neto, que la Llei Reguladora de les Faciendes Locales esixe sía positivu, sería negativu, concretamente de -16.355.000 euros, obligando al Conceyu a acometer un axuste por esa cantidá nos capítulos 1, 2 y 4 de Gastos.
La concejala de Facienda destacó qu’atopamos énte una situación escepcional a la que nengún gobiernu municipal tuvo qu’enfrentase hasta agora, provocada polos gastos estraordinarios derivaos d’esta pandemia”. Tamién aprofió que les cifres apurríes se circunscriben namá al Conceyu, nun incluyendo, nin a les empreses municipales nin a los Organismos Autónomos. Por ello, al aumentu de gastos habría qu’añedir, por casu, la medría en toles ayudes sociales a les qu’hubo que faer frente; y nel casu del amenorgamientu d’ingresos incorporaríense, por casu, l’amenorgamientu d’ingresos en EMTUSA o’l Patronatu Deportivu Municipal.
Pineda señaló que, coles mesmes, con un importante amenorgamientu d’ingresos y una medría de gastos asemeyaos, la única opción “realista”, que va dexar al Gobiernu municipal acometer los proyectos que tien previstos pa la ciudá y atender les necesidaes de les persones, ye una prórroga presupuestaria.
Coles mesmes fixo fincapié en que nun se trata d’un problema de dineru, porque’l Conceyu tien dineru, sinón d’un problema de normes presupuestaries”, que torguen incorporar los remanentes y el superávit al proyectu presupuestariu, dexando’l so usu, namá, al traviés de cambeos presupuestarios.
D’últimes comprometióse a abrir “de in mediato” la negociación colos grupos políticos de la oposición, coles mires d’encetar cuanto antes los cambeos presupuestarios que va ser necesariu acometer pal usu de los remanentes.