Nota de prensa, 2 de febreru de 2021
El Conceyu de Xixón empecipia l’ampliación del Parque Científico y Tecnolóxico de Xixón, nel distritu d’innovación ‘Milla de la Conocencia Margarita Salas’, al traviés de la redacción del Plan Especial y el proyectu d’urbanización del ámbitu, axudicáu en concursu públicu al equipu Rueda y Vega Arquitectos, nel que tamién participen Paisaxe Tresversal y Compás Consultores.
L’equipu, que foi presentáu esta mañana a los grupos políticos na Comisión d’Urbanismu y lleva trabayando dende mediaos del mes de xineru, va ellaborar tamién un estudiu de tráficu y movilidá sostenible, y va empecipiar una serie de consultes con tolos axentes implicaos, coles mires de detectar les necesidaes relatives al diseñu ya integración de la nueva pieza.
Dambos documentos van ordenar l’ámbitu con criterios de sostenibilidá alliniaos colos oxetivos de desenvolvimientu sostenible de l’Axenda Urbana 2030. Van Emprestar especial atención a los oxetivos d’esta Axenda relativos al fomentu de la estructura urbana trupa y compacta, al ciclu hídricu, l’aforru enerxético, minimización d’emisiones contaminantes, xestión de borrafes y movilidá sostenible, dando especial protagonismu a los espacios públicos y al fomentu de la eficiencia enerxética na construcción.
El diseñu del Plan Especial va buscar favorecer les relaciones del nuevu espaciu d’innovación colos enclaves colos enclaves tecnolóxicu-empresariales de la cortil de Cabueñes y el INTRA, según les sinergias con Llaboral, el campus universitariu, l’Hospital de Cabueñes, el Centru d’Arte y el Xardín Botánicu.
Más allá de la so ampliación, el Plan Especial va deber tamién actualizar el modelu del Parque Científico y Tecnolóxico de Cabueñes, afaciéndolo a los nuevos enclinos de diseñu y funcionalidad n’espacios d’innovación. Tamién va tener que plantegar una ufierta d’espacios de trabayu d’última xeneración, respondiendo a les nueves necesidaes d’empreses y organizaciones, dexando soluciones inmobiliaries más flexibles, como por casu la ufierta de superficie construyida “llave en mano”, como fórmula complementaria a la ufierta convencional de cortiles para edificar.
El Parque Científico y Tecnolóxico de Xixón consolidóse como espaciu de concentración d’empreses y actividaes innovadores, dende la so creación nel añu 2000, con una ocupación próxima a algamar la so capacidá máxima d’acoyida d’empreses. Por ello ye necesariu empecipiar la so ampliación sobro la área de planiamientu propuesta pol PGO de 2019. Tratar d’un conxuntu de parceles de titularidá mayoritariamente municipal, en Somió, que cunten con una superficie total de 21’83 hectárees y xuna edificabilidad máxima de 65.495 metros cuadraos, na parte septentrional de l’avenida de La Pecuaria.