La Secretaría de la Memoria Histórica de l’Agrupación Municipal Socialista de Xixón entamó’l pasáu vienres 5 de febreru, la presentación telemática del llibru Carboneres”, un llibru que fala del nuesu pasáu, del nuesu presente, y col que se recupera’l trabayu de les muyeres que, mientres munchos años nel pasáu sieglu XX, allegaben a les tolvas para escoyer el carbón, de la que curiaben de les cases y de les sos families.
Nel actu participaron los sos autores, Aitana Castaño (testu) y Alfonso Zapico (dibuxos), el catedráticu de Lliteratura y Llingua española, Benigno Delmiro Coto y el conceyal d’Educación y Cultura del Conceyu de Xixón, Alberto Ferrao. Pedro Alberto Marcos, periodista y secretariu de Relaciones cola Sociedá de l’Agrupación, encargar de la moderación.
Tamién se cuntó colos testimonios grabaos d’otres persones con unu trezu bien fuerte col mundu de los llibros y de la cultura minera como los de Enedina Suárez, bibliotecaria na Casa Municipal de la Cultura “Gaspar García Llaviana” d’El Entrego; de Henrique Facuriella, periodista y escritor; y de Heriberto González, profesor d’institutu.
Foi un actu cercanu, nel que participaron 68 persones, que reflexa la importancia del caltenimientu d’actividá que se vien realizando en tiempos de pandemia para siguir escuchando, cavilgando, aldericando y dialogando.
