Ayeri xueves 4 de payares, l’Agrupación Municipal Socialista de Xixón entamó una xunta informativa, en formatu presencial y telemáticu pa falar de lo socedío nel 40º Congresu Federal del PSOE celebráu en Valencia’l 15, 16 y 17 d’ochobre.
Iván Fernández Ardura, secretariu xeneral del PSOE xixonés y miembru de la delegación d’Asturies, espunxo aspeutos de la organización xeneral del Congresu, destacando la imaxe d’unidá y fortaleza que se dio como partíu y del papel activu de la delegación d’Asturies, con especial mención a les intervenciones d’Adrián Barbón, secretariu xeneral de la FSA-PSOE y presidente del Principáu d’Asturies.
Ardura tuvo acompañáu de Roberto L.lena, secretariu d’Organización, qu’asistió como convidáu al congresu, y de Dulce Gallego, vicesecretaria de la Área Social de la AMSG, tamién miembru de la delegación asturiana. Dulce faló d’aspeutos rellacionaos cola área de feminismu, educación, sanidá y diversidá. Remató la so intervención falando del emotivu homenaxe que se rindió a Rubalcaba, cola presencia de la so vilba.
Les persones asistentes aprovecharon la ocasión pa interesase pola situación de les enmiendes presentaes, a la espera de disponer del documentu definitivu de la 40º Ponencia Marco.