N’añu más, la Secretaría de Movimientos Sociales de l’Agrupación Municipal Socialista de Xixón, en collaboración coles Mocedaes Socialistes, punxo en marcha, mientres el mes d’avientu, la iniciativa solidaria de recoyida de xuguetes.
Militantes y simpatizantes de l’Agrupación apurrieron xuguetes nuevos y otros en perfectu estáu, contribuyendo a que la complicada situación económica y social que ta provocando la COVID-19 na vida de los adultos, afecten lo menos posible a los más pequenos, de manera que nengún neñu o neña quedar ensin el so xuguete nestes feches tan señalaes.
La entrega de xuguetes tuvo llugar el pasáu xueves 17 d’avientu cumpliendo con tolos encamientos de les autoridaes sanitaries. Nesta ocasión fueron cinco les asociaciones beneficiaries del proyectu: Asociación Xitana de Xixón, Asociación SERIGNE Touba, Sahara-Asociación Cosara, Asociación de Muyeres Senegaleses de Xixón y l’asociación Ghanaian Diaspora Union in Asturies.
Asociación Gitana de Gijón/Xixón.
Sahara-Asociación Cosara
Ghanaian Diaspora Union in Asturias
Asociación de Mujeres Senegalesas de Gijón/Xixón
Asociación SERIGNE Touba