Saltar al contenido
Portada » Últimas Noticias » ‘El to yes como elles’, el lema del Conseyu de Muyeres para conmemorar el 8M

‘El to yes como elles’, el lema del Conseyu de Muyeres para conmemorar el 8M

Nota de prensa, 3 de febreru de 2021

El Conseyu de Muyeres, axuntáu esta tarde de forma estraordinaria, escoyó’l lema ‘El to yes como elles’ para acompañar los actos conmemorativos del 8M col oxetivu visibilizar a muyeres de Xixón qu’ocupen cargos o desenvuelven oficios altamente masculinizados.

Les demandes feministes contribuyeron a romper estereotipos y a asitiar na axenda de les polítiques d’empléu remanes para romper la fuerte segregación cola que cunta’l mercáu llaboral. A pesar d’ello, entá subsisten estereotipos que condicionen la elección d’estudios y profesiones acorde a factores de xéneru que caltienen la masculinización de dellos sectores, la infravaloración del trabayu de les muyeres y la fienda salarial.

Al traviés d’esti lema, que va ser la exa de la campaña del Día Internacional de les Muyeres, búscase afitar referentes de muyeres que desempeñen trabayos en contestos masculinizados, potenciando ente muyeres y neñes la diversificación profesional y la busca d’alternatives llaborales fora de los davezu acomuñaos a muyeres.