El Xixón Sound Festival va caltener la so collaboración col Festival Internacional de Cine de Xixón (FICX) na so novena edición que se va celebrar del 19 al 27 de payares.
Celebráu fora de la temporada alta, el festival siempres apostó por un cartelu eclécticu, atrevíu, con presencia femenina y tamién de músicos locales, informó Xixón Turismu.
L’añu pasáu empecipió una collaboración col FICX que se va caltener anguaño, de manera que’l festival “volverá ser la banda sonora del FICX”, afirmó’l director de Xixón Turismu, Daniel Martínez Junquera.
Martínez Junquera indicó que mientres una selmana llarga’l festival va convertir a Xixón “n’unu de los focos culturales más importantes a nivel nacional”.