La empresa d’autobuses plantega buscase n’Europa’l dineru para la renovación de la so flota
Noticia publicada por La Nueva España’l 28 de xineru de 2021
A Madrid y a Bruxeles mirar dende la Empresa Municipal de Tresportes Urbanos (EMTUSA) para intentar sumar euros a unes arques abrasaes pola históricu cayida de viaxeros, y por tantu d’ingresos, impuesta pola crisis del covid-19. Los responsables de la empresa adelantraron ayeri a los miembros del so conseyu d’alministración qu’envaloren en 4,1 millones el dineru que pueda llegar d’esi fondu estatal de 300 millones pa empreses de tresportes comprometíu pol gobiernu d’España.
Son los cálculos que se faen teniendo en cuenta los criterios adelantraos pa la repartida en base a un porcentaxe de los ingresos por vientes de 2018. Un ingresu d’esa cuantía sería fundamental pa una empresa a la que’l Conceyu tuvo que dar va unes selmanes 3,4 millones extra pa permediar les cuentes del añu pasáu.
Foi n’ese mesmu conseyu, y en aprobándose la compra de dos nuevos autobuses, onde s’anunció la contratación d’una asistencia técnica qu’analice y planie les necesidá de parque móvil de la empresa y la viabilidá d’optar a fondos europeos pa entainar la renovación de la flota. Mientres se busquen nuevos recursos la compra d’autobuses va llindar a estos dos –por 800.000 euros– énte la delicada situación económica de Emtusa.