EFE
La Empresa Municipal de Servicios de Medioambiente Urbanu de Xixón (Emulsa Medioambiente) reforzó’l so serviciu de llimpieza nos 50 centros educativos públicos d’infantil y primaria del conceyu con 135 operarios, 40 persones más de lo habitual.
El plan especial de llimpieza de colexos de Emulsa inclúi un protocolu específicu, d’alcuerdu a les directrices de la Conseyería d’Educación y de les autoridaes sanitaries, que ta siendo personalizáu en cada centru educativu en respuesta a los pidimientos de los equipos directivos y a les sos distintes característiques, resaltó la empresa nun comunicáu.
Tamién s’ellaboraron planes de continxencia qu’inclúin la contratación, per parte de EMULSA, d’una empresa especializada por que, en casu de que fuera necesariu, pueda aplicar un plan de llimpieza estraordinariu nes aules o centros onde pudiera producise un casu d’andada por coronavirus.
Tol personal de Emulsa destináu a la llimpieza de colexos ta sometiéndose nos díes previos al entamu del cursu escolar a les pruebes PCR y recibió una formación específica con midíes como la higienización diaria de la so ropa de trabayu, o que cada operario tea asignáu siempres al mesmu centru educativu para facilitar la trazabilidad en casu de producise una andada.