Nota de prensa, 2 de xunetu de 2021
- El conseyu d’alministración de EMVISA aprobó un conveniu col Conseyu de la Mocedá y l’alquisición de cuatro viviendes en La Calzada destinaes a arriendu social.
La Empresa Municipal de la Vivienda, dientro de los sos oxetivos d’aumentar el parque de vivienda destináu a arriendu social, va destinar siete viviendes vencíes por VIPASA, y allugaes en cuatro inmuebles de Cimavilla, a arriendu social para mozos. La rehabilitación y adecuación d’estes viviendes va llevar a acabo al traviés de planes d’empléu desenvueltos pola Axencia Local d’Empléu.
Asina lo esplicó la concejala de Derechos y Bienestar Social, Natalia González Peláez, nel conseyu d’alministración de EMVISA, que se celebró esta mañana, nel que detalló tamién que foi’l Conceyu’l que, el pasáu 17 de marzu, solicitó al Principáu estos cuatro inmuebles, aportando ésti, por alcuerdu de Conseyu de Gobiernu, el 14 de mayu.
Nesta mesma llínea, el conseyu de EMVISA aprobó l’alquisición de cuatro viviendes nel barriu de La Calzada, destinaes tamién a arriendu social, por un importe de 251.000 euros.
Coles mesmes, aprobóse un conveniu col Conseyu de la Mocedá de Xixón, que va dexar, por casu, la dedicación d’una trabayadora o trabayador del Conseyu al programa ‘Comparte Nuevu’, mientres 10 hores selmanales, para acompañar a les persones usuaries d’esti programa, y para exercer de mediador/a nel ámbitu convivencial, vecinal y con la mesma empresa municipal.
Per otru llau, el conseyu de EMVISA, aprobó meyores nel programa ‘Comparte Nuevu’, como l’ampliación del períodu d’estancia de cinco a siete años, la eliminación de la obligatoriedá del empadronamientu, o l’aumentu de la llende d’ingresos máximos a dos vegaes el IPREM.
El programa ‘Ayuda a Estudiantes’ tamién se va actualizar con meyores como’l cambéu, a partir de viviendes de dos habitaciones, del criteriu de cuantía máxima a financiar, siendo ésti de 200 euros per habitación, o l’actualización de titulaciones académiques.