Noticia publicada por El Comerciu’l 6 de febreru de 2021.
El conceyal d’Educación y Cultura, Alberto Ferrao, esplicó ayeri que los símbolos que pueden ser consideraos como reminiscencies del réxime franquista na ciudá son agora mesmu dos: el monumentu escultóricu dedicáu a los Héroes del Simancas nel colexu de la Inmaculada y les plaques col xugu y les fleches qu’hai tremaes nos portales de viviendes sociales construyíes mientres la dictadura.
Y la decisión de caltener o esaniciar ye, según Ferrao, «toa competencia del Principáu». «Son propiedaes privaes. Según la llei, tienen de ser los sos propietarios quien los retiren o’l Principáu quien lu faiga subsidiariamente y páselos depués la factura. El Conceyu nun puede faer nada», indicó’l conceyal d’Educación y Cultura.
Campusantu de Jove
De competencia municipal yera un elementu franquista que se retiró l’añu pasáu del campusantu de Jove: una placa cola inscripción del berru franquista ‘Presentes’ que s’usaba cuando diben fusilar.