XIXÓN, 14 (EUROPA PRESS)
L’ALCALDESA DE XIXÓN, Ana González (PSOE), fixo una llamada a la prudencia” y animó a los grupos de la oposición a esperar a lleer tolos informes sobro la contaminación del ríu Piles antes d’afitar una postura. Asina lo indicó, en declaraciones a los medios de comunicación tres la visita a un local de Emvisa, dempués de que la oposición pidiera al Conceyu tener en cuenta l’informe presentáu pol Real Grupu Cultural Cuadonga, que respondería por la reapertura del aníu navegable.
González, nesti sentíu, estimó al Grupu Cuadonga l’informe presentáu, pero recordó que tienen otru encargáu cola Universidá d’Uviéu y que ta llueu a rematar. Una vegada concluyíu, va llevar al Conseyu Sectorial de Mediu Ambiente onde se va convidar a otres entidaes o asociaciones comenenciudes como pueda ser el Grupu Cuadonga.
La rexidora xixonesa dexó claro que l’oxetivu ye un Piles y una sablera ensin contaminar, a lo que se preguntó si ye qu’hai daquién en Xixón que tea en contra d’esto. Ye por ello qu’aportunó en guardar “cierta prudencia pa lleelo tou” y en non desmerecer el trabayu del equipu científicu que ta trabayando nel informe.
González aprofió que non por ser oposición nun hai que bastiase nes temes, polo que-yos repitió qu’esperen a lleelo tou antes de tomar una postura.