El Conseyu d’Alministración del Centru Municipal d’Empreses S.A. (Xixón Impulsa) aprobó’l presupuestu para 2022 por valor de 6,2 millones d’euros qu’inclúi les actuaciones previstes para la área de Turismu que se van executar a partir del 1 de xineru de 2022.
Tres la inclusión de les partíes destinaes a la área de Turismu’l presupuestu de Xixón Impulsa va superar los 6,2 millones d’euros, de los cualos 3,9 provienen d’aportación municipal y el restu d’ingresos d’arriendos d’espacios y de servicios rellacionaos cola promoción turística.
Tamién fueron aprobaes les tarifes d’arriendos de les residencies empresariales qu’inclúin una previsión de xubida del IPC a 31 d’avientu, informó la empresa.
Coles mesmes, empecípiase’l procesu de llicitación para la contratación un serviciu d’asesoría xurídicu-fiscal de la qu’esfruta cualquier persona entamadora que precise cierta orientación en diches materies y otru nes árees fiscal, contable y personal al que pueden optar toles nueves empreses instalaes nes incubadores Impulsa y CRISTASA gratuitamente mientres un añu