El dispositivu va ser itinerante y va tener tamién un espaciu concretu na redolada de Fomentu
El Puntu Lila de Xixón va empezar a funcionar esta nueche, coincidiendo cola festividá de San Xuan, y enmarcada n’una campaña contra les agresiones sexistes sol slogan ‘Esta nueche quiero volver a casa como tu’.
El dispositivu, presentáu esta mañana pola alcaldesa de Xixón, Ana González Rodríguez y la directora xeneral d’Igualdá, Goretti Avello,, va tar operativu mientres toos les fines de selmana del branu, reforzando tamién los festivales y les actividaes programaes a lo llargo de too el períodu branizu.
El so oxetivu ye ufiertar a les muyeres nueves un serviciu d’atención y orientación en materia de violencia machista, col fin de prevenir agresiones y conflictos en momentos d’ociu.
El Puntu Lila atendió en 2020 a un total de 1.779 muyeres, en cinco d’estos casos, sí esistió agresión, anque fora nel pasáu. Por esti motivu, tal que manifestó la directora d’Igualdá, ye importante la sensibilización de la ciudadanía polo xeneral y la mocedá en particular, en contra d’esti tipu d’agresiones.
El Puntu Lila pretende, amás, favorecer un clima de convivencia, esfrute y vivencia positiva nes nueches de fiesta de la ciudá; potenciar la información calidable sobro sexualidá y relaciones afeutives, dende una perspectiva de xéneru; xenerar espacios seguros en Xixón, dende los que se potencien dinámiques de relaciones afeutives basaes nel respetu y la corresponsabilidad; y collaborar col restu de servicios públicos na detección de situaciones d’abusu y agresión sexual.
El dispositivu nun va tener xuna allugamientu estable y va desenvolvese nes redolaes de locales d’ociu de Fomentu, fiestes y/o acontecimientos relevantes. Sicasí, anguaño va allugase un espaciu concretu na redolada de Fomentu, pol so fora necesariu una redolada privada. Tamién va tener presencia en redes sociales, concretamente, en instagram puntolilagijon
La entidá que va tar al frente del Puntu Lila va ser Mil Voces Violeta, xuna asociación con una dilatada esperiencia nesti tipu de dispositivos, qu’amás va desenvolver talleres de prevención con colectivos nuevos, en collaboración con entidaes xuveniles de la ciudá y servicios municipales como l’Axencia Local d’Empléu, el Patronatu Deportivu Municipal y Mocedá.
