Saltar al contenido
Portada » Últimas Noticias » La Comisión de Facienda aprueba’l proyectu d’ordenances fiscales del gobiernu municipal

La Comisión de Facienda aprueba’l proyectu d’ordenances fiscales del gobiernu municipal

La Comisión de Facienda informó favorablemente del proyectu d’ordenances fiscales presentáu pol Gobiernu Municipal para’l próximu añu 2020, colos votos a favor de Podemos-Equo ya Izquierda Xunida.

Tal que esplicó la concejala de Facienda, Marina Pineda, l’equipu de Gobiernu algamó un alcuerdu con Podemos-Equo qu’inclúi “pequenos cambeos del proyectu que presentamos primeramente, pero nun alteria la esencia del mesmu”.

Nesti sentíu caltien el tipu de IBI estremáu del 0’79, según la medría del tipu para Bienes con Característiques Especiales y les tarifes propuestes para EMA, EMULSA, EMTUSA y el Patronatu Deportivu Municipal, por casu.

Per otru parte y n’ares d’algamar un alcuerdu, el Gobiernu Municipal aceptó les enmiendes presentaes por Podemos-Equo para caltener la bonificación para vehículos históricos y de más de 25 años; caltener la tarifa de ORAR para residentes; acometer axustes na organización del Serviciu d’Ayuda a Casa, non nes tases previstes; y para nun amontar la tasa por tenencia d’animales de races potencialmente peligroses.

La concejala de Facienda manifestó qu’a lo llargo de les últimes selmanes caltuviéronse xuntes tantu con Podemos-Equo como con Ciudadanos, anque sigui prevaleciendo l’interés del equipu de Gobiernu por algamar alcuerdos colos grupos de la esquierda, “que demuestren que les fuerces de la esquierda en Xixón pueden algamar consensos partiendo del proyectu políticu que tien el PSOE”, destacó.

Amás del alcuerdu alcanzáu para l’aprobación del proyectu d’ordenances, que tien de ratificar el Plenu estraordinariu del llunes 21 d’ochobre, el Gobiernu Municipal algamó un compromisu con Podemos-Equo para encetar l’alderique presupuestariu “ensin llínees coloraes nin chantaxes y dende la seriedá, buscando elementos comunes que dexen que la ciudá tenga presupuestu l’añu que vien”, esplicó Pineda, quien tamién señaló que, sicasí, la negociación presupuestaria ta abierta al restu de grupos políticos municipales.

X