La Comisión Executiva de l’Agrupación Municipal Socialista de Xixón axuntóse ayeri xueves telemáticamente pa tratar les principales temes de l’actualidá política.
Tres la intervención de Roberto Lena, secretariu d’Organización pa dar a conocer los movimientos d’afiliación, Iván F. Ardura, secretariu xeneral, espunxo los asuntos más relevantes a nivel nacional, rexonal y local.
La recién visita de Pedro Sánchez a Asturies, la mesa de diálogu en Cataluña, la pandemia, l’entamu del cursu escolar, la reforma del Estatutu d’Autonomía, la bonificación nel peaxe del Güerna, el discutiniu de los toros en Xixón, el procesu inicial de negociación de los presupuestos municipales, el próximu alderique del estáu del conceyu, según el fortalecimientu del proyectu socialista, fueron dalgunos de les temes trataes. Ardura tamién recordó les xuntes informatives programaes pola Agrupación pa la propuesta d’enmiendes a la Ponencia Marco del 40º Congresu Federal.