La concejala d’Atención a la Ciudadanía, Distritos y Urbanismu, Dolores Patón, la directora xeneral de Política y Planificación Sanitaries, Lidia Clara, y el director xeneral d’Urbanismu, Gonzalo Canga, presentaron a los vecinos de Nuevu Roces la planificación del nuevu consultoriu médicu pal barriu.
El proyectu, con 18 meses d’execución, va cuntar con tou tipu de servicios amás de medicina xeneral, como pediatría, unidá de la muyer, unidá bucodental, atención a la ciudadanía y trabayadores sociales. L’edificiu, dafechu integráu na redolada, va tener personalidá propia, con un diseñu actual, y va ser eficiente y dafechu accesible. El representante de l’Asociación de Vecinos de Nuevu Roces, Miguel Bernardo, amosóse bien contentu col proyectu y col diseñu, daqué que ye necesariu pa dotar de tolos servicios al barriu.
La previsión ye que’l nuevu centru médicu de la ciudá tea llistu pal añu 2023 y l’obres podríen empezar a finales d’anguaño 2020.