El Conceyu yá ta trespasando partes de la empresa a otres árees nel proyectu de los sos presupuestos pal próximu añu
El Comerciu, 30 de setiembre de 2020
Xineru de 2021 yera la fecha que se marcaren los responsables municipales pa la disolución de Divertia. Una operación a la qu’agora prefieren referise como de «dixebra», pos igual que nel so momentu la so creación foi frutu de l’absorción del Xardín Botánicu Atlánticu y de la Sociedá Mista de Turismu per parte de la empresa municipal Teatro Xovellanos, agora de lo que se trata ye de dixebrar de nuevu estos trés pates», anque calteniendo como figura xurídica, na forma en que se determine pero yá ensin el nome Divertia, la qu’entós foi sociedá absorbente. La pandemia «ralentizó’l procesu», almitía esta fin de selmana en EL COMERCIO’l so xerente, Lara Martínez, quien sicasí caltenía que la operación siguía en marcha. Y anque non pueda completase nel plazu previstu, la intención ye que pueda dar empiezu en 2021.
Na ellaboración de los presupuestos municipales, ello ye que partíes de gastu que tendríen de corresponder a a empresa municipal tán treslladándose yá a otres árees municipales, que van ser les qu’asuman parte de les xeres que güei exerz Divertia. Y la primer «pata» que se va esgazar d’esti conglomeráu ye’l Xardín Botánicu Atlánticu, que la so caltenimientu y xestión va pasar a ser responsabilidá de la área municipal de Mediu Ambiente, a cargu por tantu de la Conceyalía que dirixe Aurelio Martín -l’asunción d’esti organismu formaba parte del alcuerdu de gobiern suscritu l’añu pasáu ente PSOE ya IX-. Esta operación considérase la más senciella de les que ye necesariu encetar, cuidao que toles instalaciones y terrenes del Botánicu yá son propiedá directa del Conceyu, lo qu’evita entueyos patrimoniales.
No que respecta a la área de Turismu, anque se llinda a un equipu de tan solo 13 persones prefier avanzase daqué más adulces «pa nun faer una chambonada», sobremanera polo que representa na relación del Conceyu col sector priváu. El so futuru ta dientro de la Conceyalía de Promoción Económica.
El trespasu de Turismu a la área de Promoción Económica va ser más lentu, «porque nun queremos faer una chambonada»
El teatru, los Festexos y el Festival de Cine van siguir xuníos so la única pieza que previsiblemente permaneza como un ente autónomu del Consistoriu, anque inda se ta estudiando «fiscal, xurídica, presupuestaria y administrativamente cuál ye la meyor estructura pa la empresa», magar s’aportuna en garantizar que la operación nun va causar nengún perxuiciu al personal.