Xixón, 12 feb (EFE).- La estatua de Pelayo asitiada na plaza del Marqués de Xixón amarutóse de Mafalda para festexar el Antroxu homenaxando al humorista gráficu arxentín Joaquín Salvador Lavado, Quino, fináu en septiembre de 2020.
Para evitar concentraciones de públicu por cuenta de la pandemia de coronavirus el departamentu de Festexos del Conceyu de Xixón amarutó a la estatua dempués de les 22:00 hores d’ayeri, informó Divertia.
“Consideramos que yera’l momentu d’amosar la nuesa almiración pol trabayu de Quino al traviés de Mafalda, de la so mirada crítica, responsable y solidaria”, afirmó la xerente de Divertia, Lara Álvarez.
Mafalda ve dende los altores una realidá difícil” con “una mirada que dende lo local que fai referencia a lo global”, indicó.
Tamién mientres la pasada nueche les charangues amarutaron dellos espacios o elementos públicos de distintos barrios y parroquies.
Amás, la páxina web de la área de Festexos sumó un video grabáu’l pasáu añu poles charanga con títulu “Mil charangueros”, qu’homenaxa al antroxu de la ciudá.