La Llei Integral de Protección a la Infancia y Adolescencia, según el compromisu de futuru foi’l tema de charrar-coloquiu entamada ayeri xueves pola Secretaría de Movimientos Sociales de l’Agrupación Municipal Socialista de Xixón.
Ana Sariegu, secretaria de la área, foi la encargada d’abrir l’actu destacando na so intervención la importancia que pa protección a la infancia y adolescencia tien l’aprobación d’esta Llei. Calcúlase que solo se denuncien o son conocíos ente un 10% y un 15% los actos de violencia y abusos a menores.
La diputada socialista per Asturies, Mª Luisa Carcedo, esplicó cómo se xeneró esta iniciativa lexislativa y les implicaciones que caúnu de los sos apartaos tien al respective de el so oxetivu de protección.
Nel ámbitu local, Natalia González, concejala de Derechos, Bienestar Social, Educación, Infancia y Mocedá faló del II Plan Municipal de la Infancia y l’Adolescencia de Xixón 2020-2024, incidiendo nel grau de participación de les y los menores nel so desenvolvimientu y l’importancia de la prevención y la coordinación de les distintes árees de xestión municipal cola Alministración rexonal pal so desenvolvimientu.
Flor González Muñiz, presidenta del Colexu Profesional d’Educación Social del Principáu d’Asturies (COPESPA), enfatizó nes aportaciones qu’esta Llei introduz n’ámbitos como’l familiar y l’educativu, faciendo una especial mención a les y los menores con midíes de protección, y cómo estes s’afaen a perfiles profesionales como’l de la Educación Social.
A lo último, Fernando Menéndez, coordinador del grupu de trabayu de Movimientos Sociales y psicólogu, señaló la importancia qu’al respective de les persones con discapacidá tien la Llei pa llograr una sociedá inclusiva y xenerar un cambéu de sensibilidá, na forma d’entender y encetar la diversidá funcional.