La web municipal Xixón queda en casa, impulsada pol Ayuntamientu de Xixón, acaba güei la so actualización diaria con alredor de 75.000 visites rexistraes.
Arrincó’l pasáu 17 de marzu col envís de convertise nun llugar d’ociu, de entretenimientu, de formación y de divulgación; tamién nun puntu d’alcuentru de vecines y vecinos de la ciudá nos díes de confinamientu.
Pa ello, el portal foi llenándose día a día de conteníu de toda mena y foi la canal de celebración de delles efemérides como’l Día del Llibru o’l Día d’Europa por cuenta l’estáu d’alarma por emerxencia sanitaria, nun se pudieron desarrollar les actividaes programaes davezu pa les feches correspondientes.
Nesti tiempu d’actividá, participaron 58 artistes, deportistes, escritores, actores y actrices, persones del mundu de la fotografía como son Rodrigo Cuevas, Jerónimo Granda, Elle Belga, Igor Paskual, Manu Molina, Alberto Rodríguez, Félix Corcuera, la compañía teatral la Sonrisa del Lagarto, Maite Centol, Muñeco Vudú, Fee Reega, Antía Eseuve, Carmona (jugador del Sporting de Gijon), Tommy Robredo, Alex Corretja, Pablo Carreño, Guillermo Momonje, Pauline en la Playa o JotaDeJota.
Asinamesmo, dientro la sección ‘Xixón a la Carta’, 46 cocineres y cocineros de la ciudá publicaron tolos díes les sos recetes pa que pudieren ser les protagonistes de los menús de les cases de los xixoneses. Nació precisamente con esa finalidá, pa conectar a la hostelería local cola ciudadanía al traviés de platos basaos na cocina tradicional asturiana de restaurantes de toda triba y nos productos de prosimidá.
L’espaciu ‘Nenas y Nenos’, creáu pa evitar que’ distanciamientu físicu nun se convirtiera tamién nun distanciamientu social de las neñes y neños, recibió más de 100 semeyes y vídeos y una participación alta de les Escueles d’Educación Infantil con abondes actividaes específiques pa les y los más pequeños.
Amás, publicáronse 250 propuestes vecinales recibíes per correo electrónicu y por whatsapp y 65 entraes de los diferentes museos del conceyu como son la Fundación Muséu Evaristo Valle, el Muséu Nicanor Piñole, Casa Natal de Xovellanos, el Muséu Ferrocarril, Ciudadela Celestino Solar, Muséu del Pueblu d’ Asturies, les Sales 1 y 2 del Centru Cultura Antiguu Institutu, los Museos Arqueolóxicos y la Rede Municipal de Museos.
Hai que recalcar tamién la collaboración del Patronatu Deportivu Municipal, la Oficina de Normalización Llingüística; la Fundación Municipal de Servicios Sociales; La Fundación Municipal de Cultura, Educación y Universidá Popular; la Rede Municipal de Bibliotecas de Gijón/Xixón; el Festival Internacional de Cine de Xixón; el Conseyu de la Moceda de Xixón; la Universidad Llaboral; la Ruta Vía la Plata; COCEMFE; el Llaboratoriu de Soníu de la Escuela Politécnica de Inxeniería de Xixón y el Taller de Músicos de la Fundación Municipal de Cultura; la Banda de Música de Xixón; la Banda de Gaites Villa de Xixón; y el Grupu Folclóricu Trebeyu.
Por edaes les personas que más usu fixeron de la web Xixón queda en casa nesti tiempu tienen entre 25 y 34 años, un 33’5% del total, darréu la estaya de 18 a 24 años, un 27’5%.
- 18-24 años – 27’5 %
- 25-34 años – 33’5%
- 35-44 años – 15’50%
- 45-54 años – 12’5%
- 55-64 años – 5’5%
- Más de 6 – 55’5%
Anque la mayoría d’usuaries y usuarios vienen d’España, rexistráronse abondes visites d’Estaos Xuníos, Alemania, Inglaterra, Bélxica, Arxentina, Francia, Canadá y Suiza.
Como recordatoriu, Xixón queda en casa va seguir tando disponible pa consulta na dirección www.gijonsequedaencasa.es y l’actualidad municipal va poder seguise al traviés de la web www.gijon.es