La Xunta de Gobiernu aprobó la undécima riola d’ayudes del programa ‘Xixón Reinicia’ por un importe total de 215.292’08 euros. Son 139 ayudes, 100 correspuenden a la llínea 1 (caltenimientu del empléu por cuenta ayena) y 39 a la llínea 2 (gastos per reapertura de negociu). Nestos momentos, de les 2.040 solicitúes recibíes yá fueron resueltes 1.863.
Per otra parte, aprobáronse dos nuevos convenios con empreses del sector metal (IPB Fabricaciones y Mecanizados S.L. y Cerrastursa S.L.) enmarcaos nel plan d’empléu de collaboración públicu-priváu 2019/2021, financiáu pol Conceyu de Xixón, para la contratación de dos trabayadores, unu para cada empresa.
Esti conveniu trai una subvención de 15.066’18 euros para cada persona, cantidá que cubre hasta’l 59’31% de los costos salariales y de Seguridá Social de cada trabayador contratáu a xornada completa mientres un añu, na categoría profesional d’especialista.
La Xunta de Gobiernu aprobó tamién l’estudiu de detalle de la área d’unidá d’actuación 094B, que’l so oxetivu ye completar la fachada formada pol barriu de La Tejerona a la carretera de Roces, llogrando suelu para espacios llibres que completen los actuales. Esta unidá d’actuación cunta con una superficie de 2.898 metros cuadraos y xuna edificabilidad máxima de 2.660 metros cuadraos. L’estudiu de detalle va someter a información pública por un plazu d’un mes.