Nota de prensa.
La Xunta de Gobiernu aprobó’l contratu d’allumáu intelixente col que se va tresformar la ciudá a lo llargo de los próximos 15 años, al traviés de la infraestructura del allumáu. Cuenta con un presupuestu de 204’1 millones d’euros y va garantizar un aforru mínimo d’enerxía del 45’33% y unu amenorgamientu d’emisiones de CO2 d’un 30% al añu.Mientres los trés primeros años tienen d’invertise 23 millones d’euros, 19’5 millones na renovación integral del allumáu; 2’3 millones para l’aplicación intensiva de tecnoloxía y del internet de les coses, n’ares de consiguir una meyora de la eficiencia enerxética; y 3’5 millones que se van invertir en, siquier, 25 edificios municipales. Va Ser l’axudicataria d’esti contratu la encargada d’invertir esos 23 millones d’euros, ente que’l Conceyu va presentar a convocatories de subvenciones d’ayudes al traviés del Plan Nacional de Recuperación, Tresformamientu y Resiliencia; l’Axenda Dixital Española 2025; el Plan Nacional Integráu d’enerxía y Clima; el Pactu Verde Européu; y el fondu de recuperación européu ‘Next Generation’. Con tollo el Consistoriu va poder siguir invirtiendo en nuevos espacios intelixentes que xeneren mayores aforros y prestaciones para les persones.En total van anovase 42.800 puntos d’allumáu, la totalidá de los esistentes na ciudá, y 24.800 dispositivos consumidores d’enerxía n’edificios. Ente otres coses, van instalase 250 puntos d’accesu a internet con wifi por tol términu municipal y 6.446 detectores de presencia pa consiguir más aforros d’enerxía.Pa fomentar la innovación integral de los servicios incorpórense midíes que la so finalidá ye faer a les persones y axentes de la ciudá partes de la meyora tecnolóxica. Asina, estes acciones van estremar en cuatro árees: innovación, sostenibilidá, igualdá de xéneru y responsabilidá social corporativa.En relación cola innovación inclúyese’l fomentu ya impulsu del Centru d’Innovación Social; de los DemoLAB d’allumáu, edificios, oficines, enerxía y espaciu Conecta; y tamién un plan de gobernanza colaborativa al traviés de la nueva see electrónica y de los sos portales repara.gijon.es, curia.gijon.es y participa.gijon.es.Contémplase un plan pa la eliminación de la desigualdá de xéneru y p’averar los perfiles tecnolóxicos a les neñes y neños, al traviés de programes formativos y talleres didácticos. Les persones cobren un especial protagonismu, tamién, al traviés de la xestión colaborativa, incluyéndose talleres, xornaes, encuestes y nuevos sistemes pa la cita previa y les relaciones ente ciudadanía y conceyu. A lo último, los 17 oxetivos pal desenvolvimientu sostenible tienen presencia al tar obligada l’axudicataria a presentar un plan que contenga xuna acción a executar na ciudá, pa cada unu d’ellos.Con tollo el Conceyu de Xixón asitia les pilastres que-y dexen aportar a fontes de financiamientu y ayudes europees, nacional y autonómiques, construyendo na ciudá xuna nueva infraestructura que dexa conectar dispositivos pa la xestión de servicios. Los próximos van ser el moblame urbanu y el contadores d’agua de EMA, colos que yá se tán realizando pruebes.