L’alcaldesa de Xixón, Ana González, consideró necesariu redefinir el programa “El mio Barriu puestu en marcha para ayudar a la salida de la crisis por aciu la compra en comercios de proximidá.
En conociendo’l baxu nivel de compres per parte de los potenciales beneficiarios, l’alcaldesa consideró qu’esti baxu nivel de gastu quiciabes se deba al tracamundiu de lo social coles polítiques comerciales.
El Conceyu tendrá de redefinir les coses d’otra manera, indicó la rexidora, qu’afirmó que l’añu pasáu les ayudes d’emerxencies pasaron de 600.000 a 4 millones d’euros y nesti exerciciu tamién hai un gastu importante, polo qu’hai persones que precisen ayuda.
Incidió, sicasí, en que’l pasáu añu les ayudes d’emerxencia crecieron “exponencialmente”, de 600.000 a cuatro millones d’euros, ente que nel presente exerciciu’l gastu ta siendo tamién “bien importante”.
“Hai munches persones que precisen el sofitu de Xixón”, aprofió la rexidora, quien aprofió que quiciabes el confundir les polítiques sociales coles comerciales sía lo que ta detrás del non escosamientu del dineru disponible nesti programa.
Al so xuiciu, la política social tien d’afaese a les necesidaes reales de les persones y non otra cosa. Esclarió, eso sí, que nun quier dicir esto que nun haya que dar sofitu al pequenu comerciu, que cunta con una importante ayuda nel presupuestu municipal, tamién para’l so digitalización