Saltar al contenido
Portada » Últimas Noticias » L’Ayuntamientu de Xixón facilita conexón a internet a 1.160 escolinos de Primaria y Secundaria

L’Ayuntamientu de Xixón facilita conexón a internet a 1.160 escolinos de Primaria y Secundaria

L’Ayuntamientu de Xixón va facilitar la conexón a internet de manera gratuita a 1.160 alumnes y alumnos de los centros públicos de Primaria y Secundaria de la ciudá, pa garantizar la continuidá de la so formación online hasta la que vuelvan a entamar les clases, y permitiendo con ello el seguimientu de les actividaes que los centros educativos y el profesoráu tean llevando alantre.

Ye una iniciativa dirixida a aquellos alumnos y alumnes que nun tengan accesu a internet nos sos domicilios, cola que se quier esborriar la brecha dixital nesti sector del sistema educativu. Pa ello van apurrise a los centros un total de 1.160 tarxetes SIM con una capacidá de 40GB, de baldre pal alumnáu, y mercaes pol Ayuntamientu al traviés d’un alcuerdu con Movistar, por 28.070 euros.

La Conseyería d’Educación foi la encargada de treslladar al Ayuntamientu les necesidaes que en materia de conectividá tenía l’alumnáu de los centros xixoneses y l’Ayuntamientu el que contaactó coles direcciones de los centros pa solicitar-yos los llistaos d’alumnes y alumnos.

Nel marcu d’esta iniciativa tamién van facilitase tamién cinco tabletes a los centros d’educación especial, que ya solicitaron, porque les necesidaes del alumnáu asina lo requieren.

X