Saltar al contenido
Portada » Últimas Noticias » L’Ayuntamientu peatonaliza temporalmente la cai Claudio Alvargonzález y destina la zona d’aparcaderu a terraces

L’Ayuntamientu peatonaliza temporalmente la cai Claudio Alvargonzález y destina la zona d’aparcaderu a terraces

  • La midida, que va entrar en  vigor el 1 de xunu, va incluyir la peatonalización del Tránsitu de las Ballenes, y va obligar a reordenar el tráficu nes cais Honesto Batalón y Emilio Muñiz “El Negro”

L’Ayuntamientu Xixón sigue enanchando espacios pa la movilidá peatonal na ciudá, siguiendo les recomendaciones del Ministeriu pa la Transición Ecolóxica pa las fases de desescalada.

Los conceyales de Mediu Ambiente y Movilidá, y Obres Públiques, Aurelio Martín y Olmo Ron, dieron anuncia de la peatonalización de la cai Claudio Alvargonzález y del Tránsitu de les Ballenes a partir del prósimu 1 de xunu. La midida, que va caltenese tol branu, quier enanchar l’espaciu de paséu pa los peatones y permitir la instalación de terraces d’hostelería na zona d’aparcaderos, na que se eliminen 69 places.

La peatonalización va permitir l’accesu a Claudio Alvargonzález a vehículos pa carga y descarga y entrada y salida de cocheres, y va obligar a reordenar el tráficu en dos cais de Cimavilla: la calle Honesto Batalón va cambiar de sentíu, y la cai Emilio Muñiz “El Negro” va tener doble sentíu pa facilitar la salida al Muru.

Per otru llau, l’Ayuntamientu continúa dando pasos pa favorecer la movilidá ciclista y el tresporte públicu nes principales vías de la ciudá. Nesti sen, al ciclu-carril de l’avenida la Costa va siguir los de Manuel Llaneza y Pablo Iglesias. Esta última va incluyir amás un carril bus nel marxe derechu col que va meyorar la velocidá comercial de les llínees d’EMTUSA.

Ente les midíes anunciaes tá tamién la implantación d’un carril bici nuevu xebráu nel barriu’l Coto, atendiendo a una reivindicación de la so asociación vecinal. Va dir pel marxe izquierdu de la cai Xeneral Suárez Valdés, na calzada, dando continuidá al carril bici de l’avenida de Castiella y conectando col de la cai Juan Botas al traviés del Parque de Dionisio Viña. Con esti trazáu consíguese conectar la rede de carriles bici de los barrios de L’Arena, El Bibio y Les Mestes col del parque de los Pericones, en Ciares, y los de las cais Daniel Palacios y Gloria Fuertes, y el parque Fluvial, en Viesques.

X