XIXÓN, 13 Abr. (EUROPA PRESS) –
La Xunta de Gobiernu local de Xixón aprobó esti martes una reorganización de competencies ente gran parte de les Conceyalíes, de forma que Manuel Ángel Vallina, el nuevu conceyal del PSOE que va tomar posesión del so cargu’l próximu Plenu, va asumir solo Cultura, ente qu’Educación va formar parte de la área de Natalia González, que va siguir al mandu de Bienestar Social, Infancia y Mocedá.
D’esta forma, la Conceyalía de González va pasar a denominase Derechos, Bienestar Social, Educación, Infancia y Mocedá, según una nota de prensa del Consistoriu.
Coles mesmes, les competencies en materia de desenvolvimientu urbanísticu pasen a l’actual Conceyalía d’Atención a la Ciudadanía y Distritos, que pasa a denominase Conceyalía Delegada d’Atención Ciudadana, Distritos y Urbanismu, a que’l so frente ta Dolores Patón.
Amás, les competencies en materia de cooperación al desenvolvimientu pasen a la Conceyalía de Salú Animal y Distritos Centro y Oeste, que pasa a denominase Conceyalía Delegada de Cooperación al Desenvolvimientu y Salú Animal, qu’asume Carmen Saras.
Los Distritos Centro y Oeste intégrense, xuntu al restu de Distritos Urbanos, na Conceyalía Delegada de Distritos y Urbanismu.
Otramiente, les competencies en materia de memoria democrática pasen a la Conceyalía de Participación Ciudadana, Mercaos y Consumu, que se va denominar Conceyalía Delegada de Participación Ciudadana, Memoria Democrática, Mercaos y Consumu, con Salomé Díaz como conceyal.
D’alcuerdu a los cambeos anteriores, l’actual Conceyalía de Desenvolvimientu Urbanísticu, Policía Local y S.E.P.I.S. de José Luis Fernández va pasar a denominase Conceyalía Delegada de Seguridá Ciudadana.
Les nueves delegaciones van tener efectos dende la fecha de la so publicación, cola esceición de les competencies en materia d’urbanismu, que la so nueva delegación va tener efectos el día 21 d’abril y les de cultura, que se van formalizar na mesma fecha, una vegada incorporáu’l nuevu Conceyal, Manuel Angel Vallina.