- Divertia activa’l so “plan B”, una y bones el Principáu d’Asturies nun autoriza’l so proyectu de visita Real presentáu pol 4 d’avientu.
- Para aportar a El Bibio va ser necesaria la retirada localidaes.
- Melchor, Gaspar y Baltasar adelantren la so llegada al 4 de xineru para poder facilitar, y faer más seguros, los sos alcuentros coles neñes y neños de la ciudá.
XIXÓN, 14 d’avientu de 2020.-
Les neñes y neños de Xixón van poder ver a Les sos Maxestaes los Reis Magos d’Oriente, el 4 y el 5 de xineru, na Plaza de Toros d’El Bibio. El Principáu d’Asturies, al traviés de la Conseyería de Salú, nun autorizó’l proyectu de visita de Melchor, Gaspar y Baltasar, plantegáu por Divertia y por tanto, dende la empresa municipal activó’l so “plan B” por que los más pequenos de la casa puedan ver a Les sos Maxestaes na ciudá, tal que se confirmara va selmanes.
En próximes feches, Divertia va concretar el procedimientu de retirada de les localidaes para aportar a estes recepciones reales, yá que para aportar a la mesma va ser necesariu confirmar l’accesu por aciu una cita previa.
Divertia unviara, el pasáu día 4 d’avientu y por escritu, al Principáu d’Asturies el so proyectu de visita de la Casa Real d’Oriente a la ciudá. Esti proyectu consistía nel percorríu de les sos Maxestaes, n’una pequena comitiva de vehículos descapotados, por tolos barrios y parroquies de la ciudá. Un percorríu que s’enllargaría mientres tola xornada, constante, ensin paraes y que nun sería comunicáu a la ciudadanía para evitar aglomeraciones. Esti percorríu, teníase previstu reforzar cola emisión en directu de dellos vídeos na web municipal y los perfiles de les redes sociales del Conceyu, cola intervención y el saludu de les sos Maxestaes a les neñes y neños de Xixón. Divertia consideraba esti proyectu como’l más apropiáu, para averar “por sorpresa” a Les sos Maxestaes los Reis Magos a cada barriu (delles vegaes mientres la xornada), evitando asina concentraciones en cualquier puntu de la ciudá y confirmando tamién, cola emisión de los vídeos, que nenguna neña o neñu quedara ensin ver y escuchar al Príncipe Aliatar y a los Reyes Melchor, Gaspar y Baltasar.
Dende les recepciones reales na plaza de toros, tamién se van emitir distintos vídeos por que Les sos Maxestaes puedan dirixise a les families y a les neñes y neños que nun puedan averase hasta El Bibio.