La Ponencia Marco del 33º Congresu Autonómicu de la FSA-PSOE que va tener llugar n’avientu, foi presentada’l martes na Casa del Pueblu del PSOE xixonés, nun alcuentru en formatu presencial y telemáticu.
Iván Fernández Ardura, secretariu xeneral de l’Agrupación socialista foi l’encargáu de presentar al equipu coordinador y estimó la so disposición para presentar la Ponencia na see socialista. Ponencia que va impulsar l’acción de gobiernu n’Asturies, que trata de preparar al partíu para los retos de los próximos años, que nos fala de les claves de la futura economía, de cómo reforzar l’estáu del bienestar na nuesa rexón, y con especial incidencia na igualdá y na mocedá.
Norma Bernal, destacó les principales pilastres del bloque “Liderar los retos d’Asturies ampliando derechos y llibertaes” que fala de la igualdá ente muyeres y homes como motor de tresformamientu social, del retu demográficu, d’un gobiernu abiertu a la ciudadanía, de la cooperación al desenvolvimientu, del municipalismo, de la diversidá y de la mocedá como protagonista del nuesu futuru.
Luis Ramón Fernández Huerga, nel bloque “Escontra’l tresformamientu ecolóxico y dixital de la economía asturiana”, espunxo cómo tien de crecer Asturies énte’l nuevu paradigma económicu, al traviés d’un desenvolvimientu sostenible y xusto; de la necesidá d’educar, invertir y anovar pa crear empléu y del desafíu que supon l’Asturies rural.
Nel bloque “Un partíu abierto y dinámico al serviciu d’Asturies”, Iván Fernández faló de cómo hai de ser el nuesu modelu de partíu, centráu na militancia, innovador, que quier dinamizar les Cases del Pueblu y qu’apuesta por venceyar la mocedá al nuesu partíu.
A lo último, Ana González, nel bloque “Un estáu del bienestar n’Asturies más fuerte y más inclusivu”, espunxo llínees referentes a la importancia de la sanidá, de l’atención primaria, de reforzar la educación, d’apurrir pola formación profesional, de la cultura y de les polítiques sociales y d’empléu inclusives.
L’equipu coordinador aportunó na importancia de plantegar enmiendes al documentu col fin d’arriquecelo coles aportaciones de la militancia.
Noticia publicada n’El Comerciu 11/11/2021
Noticia publicada en La Nueva España 11/11/2021
