Saltar al contenido
Portada » Últimas Noticias » Servicios Sociales lleva a la Xunta Rectora la nueva llicitación del Serviciu d’Ayuda a Casa

Servicios Sociales lleva a la Xunta Rectora la nueva llicitación del Serviciu d’Ayuda a Casa

El serviciu d’atención intensiva en situaciones especiales y el de respiru familiar, son dalgunes de les novedaes que s’incorporen

La Fundación Municipal de Servicios Sociales convocó una xunta estraordinaria de la so Xunta Rectora, para’l vienres 18 de setiembre a les 14 hores. Nel orde del día de la mesma inclúyese la propuesta d’alcuerdu para l’aprobación del espediente de contratación del Serviciu d’Ayuda a Casa, pol procedimientu abiertu y suxetu a regulación harmonizada.

L’oxetivu de la nueva llicitación ye afaer el serviciu a les necesidaes de la población del conceyu, qu’anguaño se dirixe mayoritariamente a les persones de más de 80 años residentes en Xixón.

Para ello añedir nuevos servicios como son el serviciu de respiru familiar y l’atención intensiva en situaciones especiales, que dexen encarar, amás de les necesidaes de les persones mayores o en situación de dependencia usuaries del serviciu, les necesidaes de los cuidadores y de aquelles persones que precisen transitoriamente el serviciu, en sufriendo un accidente o tres un alta hospitalaria.

Na ellaboración del espediente de contratación túvose en cuenta l’Informe de la Xunta Consultiva de Contratación Pública del Estáu de fecha 16 de marzu de 2020 sobro clauses llaborales nos contratos públicos. Amás, pal cálculu del presupuestu del contratu, dientro de los costos de personal, incluyéronse tolos costos salariales del personal a subrogar poles empreses que resulten axudicataries, incluyíos los que se deriven de la contratación anguaño a valir.

La nueva llicitación, que se va realizar pol sistema de llotes, aumenta’l númberu d’hores añales anguaño contrataes.