Saltar al contenido
Portada » Últimas Noticias » Terraces afeches al iviernu en tiempu de pandemia

Terraces afeches al iviernu en tiempu de pandemia

El Conceyu de Xixón axuntóse esta tarde con Otea para encetar xuntu al acabante escoyer presidente de l’asociación, José Luis Álvarez Almeida, posibles soluciones conxuntes para’l sector de cara a la seronda/iviernu, dómina na que se preve un descensu del volume de negociu na hostelería y hotelería.

La xunta, na que participó l’Alcaldesa de Xixón, Ana González Rodríguez, el conceyal d’Urbanismu, José Luis Fernández, la Xerente de Divertia, Lara Martínez, y el Director Xeneral d’Urbanismu, Gonzalo Canga, demuestra l’interés del Gobiernu de la ciudá por conocer les demandes del sector y por apurrir soluciones que’l so fin sía’l de desaniciar los efectos que sobre’l mesmu puede xenerar un amenorgamientu del consumu derivada de la crisis sanitaria actual.

N’ese sentíu, tanto’l Conceyu como l’Asociación d’Hostelería y Turismu d’Asturies, comprometiéronse a trabayar de forma conxunta en propuestes concretes que puedan ser beneficioses para dambes partes una y bones la ciudá precisa siguir teniendo actividá nes sos cais pero d’una forma especialmente segura.

Nesti sentíu, plantegó qu’haya terraces afeches a dos tales dómines del añu. El acabante reelexir presidente de Otea, José Luis Álvarez Almeida, acoyó la midida con muncho prestu y, énte’l requisitu de que tean unificaes, avanzó que va presentar xuna propuesta técnica por que’l modelu soporte bien les inclemencies del tiempu nesta dómina del añu. La idea ye que puedan tar en funcionamientu en payares. Dambos comprometiéronse a trabayar de forma conxunta nesta propuesta y n’otres, como les referíes a les llicencies.