Los conceyales Dolores Patón y Aurelio Martín, responsables de les árees de Distritu y Movilidá, respectivamente, axuntáronse ayeri colos vecinos y vecines del barriu pa presenta-yos les nueves propuestes en materia de regulación de tráficu. Nesi sentíu, el barriu va estrenar un ciclocarril en Ramón y Cajal pa “pacificar la zona de tránsitu”. Na xunta cola Asociación vecinal tamién se trataron otros problemes del barrios como l’encruz de la cai de Leopoldo nales con Manuel Junquera, consideráu un puntu negru y con un altu índiz. d’incidentes. El Conceyu de Xixón comprometióse a instalar un semáforu nel encruz, atendiendo a una reivindicación histórica del barriu.
Asina lo afirmó la concejala d’Atención a la Ciudadanía y Distritu, Dolores Patón, en axuntándose cola Asociación de Vecinos d’El Cotu, la decimoquinta dende la llegada del nuevu equipu de gobiernu.
Amás del semáforu’l Consistoriu encetó la inminente obra del carril bici na zona, una propuesta realizada pola Asociación de Vecinos nel conseyu de distritu esti y sofitada pol restu d’entidaes.
Coles mesmes, los conceyales presentaron la inminente obra del carril bici, que da entamu nesti primer trimestre y que va comunicar L’Arena con Ceares al traviés d’El Cotu. Finalmente, coles mires d’arreglar la problemática «de carriles estrechos», Aurelio Martín, propunxo la supresión d’unu de los carriles de la cai de Balmes con Cienfuegos. La propuesta va treslladar al conxuntu vecinal pa la so valoración y les consiguientes acciones oportunes.