Nel apartáu de ruegos el Gobiernu local aceptó unu de Podemos-Equo, pa realizar un mapa de recursos enerxéticos, y otru de Ciudadanos, p’actualizar los datos de la fienda salarial nel Conceyu.
Sobro esto últimu, l’alcaldesa xixonesa, Ana González, matizó que yá taba prevista y alcordada l’actualización del diagnósticu de los planes d’igualdá, anque nun coincide con Ciudadanos en que se faiga añalmente, porque ye bien curtiu espaciu de tiempu pa sacar conclusiones, a la so paecer.
Y magar comparte qu’esisten elementos de sesgu pa les muyeres nel ámbitu públicu, aprofió que ye muncho más nel sector priváu.
Adelantró, amás, que van realizar un programa en collaboración con empreses sobro vocaciones n’oficios científicos y técniques pa neños y neñes, dirixíu a Primaria y tán trabayando na Axencia d’Empléu, yá que había propuestes a muyeres “con sesgu impresentable”, al so paecer. La rexidora reconoció que ye necesariu revisar delles polítiques d’igualdá.