17 ago (EFE).- La empresa municipal de tresportes de Xixón (EMTUSA) va poner en marcha una nueva llínea d’autobús exprés (E71) que va xunir l’oeste y l’este de la ciudá en díes llaborables dende’l 14 de setiembre.
L’alcaldesa de Xixón, Ana González, esplicó que la redefinición del tresporte públicu de Xixón tien por oxetivu emprestar meyores servicios y averase más a la ciudadanía.
Para algamar esti oxetivu, van poner en marcha línea más directes con menos paraes que van buscar de ganar rapidez y eficiencia, esplicó la rexidora.
Esta nueva llínea trasversal d’once kilómetros va cuntar con dolce paraes y frecuencies cada 30 minutos coles mires de llegar a 1,3 millones de persones, esplicó’l xerente de EMTUSA, Juan José Piniella.
La nueva llínea, que va arrincar en Gran Capitán y va acabar nel Hospital de Cabueñes, nun va restar recursos o horarios de la llínea 1, sinón que vien ameyorala y l’oxetivu ye amenorgar un 20 per cientu el tiempu respecto de la llínea 1.
El presidente de EMTUSA, José Luis Fernández, afirmó qu’una de les máximes esmoliciones de la compañía ye aumentar el númberu de viaxeros.
Nos siete primeros meses del añu, EMTUSA recuperó un 62,5 per cientu d’a viaxeros al respective de 2019 y l’oxetivu ye algamar más del 80 per cientu a partir de setiembre.
Nel planu económicu, EMTUSA va “un pocu meyor que l’añu pasáu”, pero la previsión ye cerrar l’añu con perdes.
Para ello, esplicó l’alcaldesa, al traviés de la Federación Española de Conceyos y Provincies (FEMP) pidióse al estáu que vuelva faer una aportación económica como l’añu pasáu nel que Xixón recibió 5,1 millones. EFE