El presidente de Segittur, Enrique Martínez Marín, apurrió a l’alcaldesa de la ciudá’l distintivu qu’acredita a la ciudá como un destín calidable, innovador, accesible y sostenible.
Nota de prensa, 21.12.2020
Xixón convirtióse nun destín turísticu innovador, consolidáu sobro una infraestructura tecnolóxica de vanguardia, que garantiza’l desenvolvimientu sostenible del territoriu turísticu, accesible pa toos, que facilita la interacción ya integración del visitante cola redolada y amonta la calidá de la so esperiencia nel destín y ameyora la calidá de vida del residente”.
Asina lo atestiguaron nun actu celebráu nel Conceyu de Xixón nel que’l presidente de Segittur, Enrique Martínez Marín, apurrió a l’alcaldesa de Xixón, Ana González, el distintivu qu’asitia a la ciudá asturiana como Destín Turísticu Intelixente.
“La concesión d’esti marchamo d’excelencia na xestión turística vien reforzar de manera sustancial tou aquello que queremos pa potenciar, proxectar y ameyorar un modelu nel que llevamos munchos años trabayando a conciencia”, esplicó Ana González, alcaldesa de Xixón. “Lléganos nel momentu más oportunu, nun añu especialmente complicáu pal sector y cuando más precisamos reforzar l’enfotu en nueses mesmes posibilidaes, sol enorme impactu de la crisis sociosanitaria que vivimos”, concluyó. La conversión de Xixón nun Destín Turísticu Intelixente supon xuna actualización del destín en base a cinco pilastres estratéxiques, como son la gobernanza, la innovación, la tecnoloxía, la sostenibilidá y l’accesibilidá. La Secretaría d’Estáu de Turismu lidera’l proyectu DTI, pioneru a nivel internacional, impulsáu y xestionáu por SEGITTUR, que’l so oxetivu ye enllantar un nuevu modelu de meyora de la competitividá y desenvolvimientu turísticu basáu na gobernanza y la corresponsabilidad turística. Los técnicos de Segittur caltuvieron nel primer semestre del añu xuntes coles árees municipales de Turismu, Cultura y museos, Medioambiente, Informática, Innovación, Comunicación Web, EMULSA, Tresparencia, Deportes, Educación, Caltenimientu y Obres, Servicios Sociales, Promoción Económica y empléu. Tamién s’axuntaron con representantes del sector hoteleru y hosteleru, de la Cátedra Smart City Xixón y de la Cátedra Xixón