Xixón, 7 abr (EFE).-
L’adicción de los mozos a les drogues, redes sociales o videoxuegos son dalgunos de les temes que se van aldericar nes XVII Xornaes municipales sobro adicciones entamaes pol Conceyu de Xixón y que se van celebrar telemáticamente los díes 29 y 30 d’abril.
Sol lema “Crecer nel sieglu XXI:Retos actuales na salú de la infancia y l’adolescencia” nes xornaes pretende encetase la promoción de la salú de la infancia y adolescencia dende una perspectiva integral.
Según señaló la xefa de la división de promoción social, Aída Araujo, l’oxetivu ye entender les habilidaes de los menores pa fae-yos menos vulnerables nel casu de que s’arreyen en conductes de riesgu.
El 29 de abril Jaume Funes va impartir la conferencia “Educar la felicidá o cómo pasar de les alarmes a les esmoliciones”, Maryorie Dantagnan va encetar “L’adicción na adolescencia: xuna mirada comprensiva dende una infancia mancada” y Antón González va falar de sicofármacos, alcohol y cannabis na población adolescente dende la perspectiva de xéneru.
EL 30 de abril Carmen Rosales va falar de la medicalización de la infancia y l’adolescencia; Jorge Flores, sobro la parentalidad dixital positiva frente al usu abusivu de móviles, redes sociales y videoxuegos y Maximino Amézaga va impartir la conferencia “Intervención con moces con consumos de riesgu”.
Nel segundu semestre del añu van poner en marcha dellos proyectos como “Ente Muyeres”, alredor del consumu de hipnosedantes per parte de muyeres, el proyectu “Apuesta por ti”, que respuende al aumentu de los apuestes on line y deportives, “Xéneru, adolescencia y promoción de la salú” y “Biblioteques Saludables”.
La xefa del departamentu d’adicciones, Montserrat Gómez, afirmó qu’arriendes de la pandemia n’España hubo xuna amenorgamientu del consumu del tabacu y alcohol, el de cannabis caltiense y aumentó “de forma importante” el de xuegos y apuestes on line.EFE