Xixón, 7 mayu (EFE).- El conseyu d’alministración del Centru Municipal d’Empreses de Xixón aprobó, cola astención de Podemos, les bases del programa “Bono Xixón” puestu en marcha pol Conceyu para incentivar el consumu nel comerciu, hostelería y cultura de la ciudá.
Tamién fueron aprobaos por mayoría los pliegos de condiciones para la contratación de los servicios para la xestión, vienta y truecu d’estos bonos puestos en marcha para ayudar a los sectores afectaos pola crisis derivada de les restricciones del coronavirus.
Per otra parte, la Xunta Rectora de la Fundación de Servicios Sociales dio lluz verde por unanimidá a la convocatoria d’ayudes nel ámbitu escolar, qu’inclúi beques de comedor y ayudes a la conciliación familiar y llaboral.
A lo último, la Xunta Rectora del Patronatu Deportivu Municipal (PDM) aprobó, coles astenciones de PP y Vox, la cuenta xeneral correspondiente al exerciciu 2020.