Publicáu na Nueva España de Xixón el 2 de xineru de 2021
Xixón despidió l’añu sumándose a la iniciativa nacional “Enciende’l Xacobeo” allumando la fachada del Centru de Cultura Antiguu Institutu (la que da a la plaza del Institutu, conocida popularmente como la del Parchís) con lluces azules y marielles, color esti postreru para simbolizar la flecha que siguen toos aquellos pelegrinos que percuerren kilómetros y kilómetros para llegar a Santiago de Compostela. El proyectu, nel que participaron más d’un centenar de monumentos de delles comunidaes españoles, busca promocionar el Camín para anguaño y asitiar Xixón como xuno de los destinos más demandaos. “Esperamos recibir ente 5.000 y 6.000 pelegrinos anguaño. El Camín ye unu de los elementos turísticos nos que tamos trabayando dende’l gobiernu local, porque ye un turismu sostenible y cultural qu’entra dientro de les nueses llínees estratéxiques”, señaló’l conceyal de Promoción Económica, Empléu, Turismu y Comerciu Local, Santos Melandru Llaneza, el pasáu día 31 mientres el llume del Antiguu Institutu.
Xixón, como ciudá pola que pasa’l Camín de Santiago d’este a oeste, quixo sumase a esti proyectu Xacobeo, impulsáu dende la Xunta de Galicia, p’asitiase como destín turísticu pa esti 2021, Añu Santu Xacobéu. Al pie de Santos Melandru participó del allumáu’l conceyal d’Educación y Cultura, Alberto Ferrao. Dambos coinciden en que Xixón “ta preparada” pa recibir pelegrinos.
Esta iniciativa cuntó con llumes similares n’otros edificiu de la rexón lo mesmo que de comunidaes como Galicia, Andalucía, Aragón, Cantabria, Castiella y Llión, Estremadura, La Rioxa, Madrid, Murcia y Navarra. La fecha mariella sobro fondu azul que llució nel Antiguu Institutu pa recibir al nuevu añu apuntaba escontra Santiago.