- El conseyu d’alministración del Centru Municipal d’Empreses aprueba la formulación de les cuentes del pasáu añu.
- El nivel d’execución presupuestaria de la sociedá superó’l 95%
El Centru Municipal d’Empreses de Xixón presentó esta mañana la formulación de les sos cuentes añales correspondientes al exerciciu 2020, que refundien una resultancia negativa de 85.370’84 euros y van cubrise coles reserves de la empresa. Resultancia derivada de les midíes puestes en marcha pola sociedá para desaniciar los efectos de la crisis sanitaria nes empreses, pero qu’en nengún casu precisaron aportaciones del Conceyu.
Asina, la bonificación del 100% de les factures d’arriendu del mes d’abril, los descuentos de 300 euros nos meses de mayu y xunu, o la bonificación del 50% de la renta a les empreses en dificultaes mientres tol segundu semestre de 2020, xuníu a la moratoria nel pagu de préstamos, significaron una amenorga d’ingresos para la sociedá que superó los 300.000 euros. Per otra parte, los gastos tamién se vieron afectaos en más de 100.000 euros cola implementación de midíes de seguridá de les instalaciones.
Otros aspeutos relevantes que s’encetaron na sesión del conseyu d’alministración, qu’aprobó estes cuentes, fueron el caltenimientu del nivel ocupación de les instalaciones, que superó’l 96%, y l’entorno de l’actividá programada con entamadores y empreses a los formatos virtuales que dexó caltener el serviciu en óptimas condiciones.
Los niveles d’execución presupuestaria, teniendo en cuenta gasto corriente, inversiones y subvenciones xestionaes, superaron el 95%.