Xixón, 24 nov (EFE).- La Xunta de Gobiernu del Conceyu de Xixón aprobó esti martes les bases del concursu d’idees para la remodelación del paséu marítimu na zona oeste
Con una dotación de 20.000 euros y dos accésit de 7.500 euros cada unu, el premiu busca incentivar la participación nel desenvolvimientu d’un proyectu urbanísticu que busca amenorgar l’impactu medioambiental na zona de Fomento y Poniente
Les propuestes tienen de dar solución a una nueva ordenación de la movilidá piatonal y ciclista asegurando la conexón del carril bici escontra la Plaza Mayor.
Unu de los oxetivos del concursu ye recuperar l’espaciu para esparcimientu y convivencia como una pieza de referencia de la ciudá, informó’l Conceyu.
Les idees van ser sometíes a votación de los ciudadanos n’una primer fase de la que van salir les trés opciones de mayor sofitu sobro les que va decidir el xuráu, que va tar presidíu pola alcaldesa, Ana González.
La Xunta de Gobiernu local aprobó l’espediente de contratación y l’apertura del procedimientu d’axudicación de les obres de rehabilitación de grupos de viviendes en mazanes residenciales degradaes nel barriu de Tremañes con un presupuestu base de llicitación de 3.982.159,07 euros.
Na xunta celebrada esti martes en forma telemática aprobóse xuna partida de 198.029,78 euros pa 12 proyectos d’incentivos a la innovación nel Centru Municipal d’Empreses. efe.