Xixón, 4 ago (EFE).-
El gobiernu local del Conceyu de Xixón va camudar el nome de l’avenida de Juan Carlos I al considerar que’l rei eméritu “yá nun representa los valores institucionales, morales y democráticos de la sociedá”, informó la vocera, Marina Pineda.
Según esplicó, la decisión atiende los “numberosos pidimientos” de ciudadanos y organizaciones sociales nesti sentíu que recibió l’Alcaldía y que l’equipu de gobiernu comparte.
Pineda tamién señaló qu’entá nun decidió’l nome que va sustituyir el de Juan Carlos I, asuntu pal que tampoco s’afitaron plazos.
El monarca comunicó ayeri qu’abandona España y va afitar la so residencia n’otru país énte la repercusión publica de “ciertos acontecimientos pasaos” de la so vida privada y pa facilitar al so fíu, Felipe VI, la tranquilidá y l’aselu que rique l’exerciciu de les sos funciones.
La decisión del rei Juan Carlos d’abandonar el país llega dempués de delles selmanes de pinga constante d’informaciones sobro los sos presuntos negocios opacos.