La Xunta de Gobiernu aprobó la décima riola d’ayudes del programa ‘Xixón Reinicia’. Nesti casu tratar de 121 ayudes, por un importe total de 179.896,78 euros.
Con esta décima riola, tramitáronse’l 83,9 per cientu de les solicitúes recibíes, esto ye, 1.712, y l’importe total d’ayudes tramitaes xube a 2.406.084,32 euros.
Tamién se decidió indemnizar a la empresa Vitaevents S.L., coordinadora del programa 11×12, por una cuantía total de 7.662,50 euros, en conceutu de costos salariales y costos pol caltenimientu d’avales mientres el períodu de suspensión, debíu al Estáu d’Alarma, del contratu de xestión y coordinación de l’apertura de los trés centros escolares adscritos al citáu programa.
A lo último, aprobóse el cambéu del contratu para la llimpieza d’edificios públicos municipales, suscritu con CLN, para ampliar diez hores selmanales la llimpieza de la Escuela Rural de Pinzales. El cambéu, de 13.080,26 euros, supon un 4,39 per cientu del importe total del contratu.