La Xunta de Gobiernu aprueba’l conveniu con Abiertu hasta l’Amanecer por 142.000 euros
La Xunta de Gobiernu, axuntada esta mañana de manera telemática, aprobó’l conveniu de collaboración cola asociación xuvenil ‘Abiertu Hasta l’Amanecer’, para’l desenvolvimientu d’actividaes d’ociu nocherniegu alternativu, con una aportación de 142.000 euros.
L’asociación lleva funcionando dende 1997 y pola so xestión pasaron dende entós más de 300 moces. Ufierta, gratuitamente y dende la proximidá qu’apurren los barrios, actividaes deportives, culturales, dinámiques y seles, bien individual o en grupu, optimizando los recursos públicos colos que cunten les distintes zones de la ciudá, yá sían centros culturales, polideportivos, pistes y/o colexos.
La Xunta aprobó tamién la convocatoria d’incentivos para les árees empresariales públiques del conceyu de Xixón, para l’exerciciu 2021, con una cuantía de 85.000 euros.
Van Ser beneficiaries d’estes ayudes les asociaciones empresariales y entidaes de xestión de les árees empresariales ya industriales de titularidá pública del conceyu, ensin ánimu d’arriquecimientu, que tengan casa social y centru de trabayu en Xixón, y que’l so oxeto sía, ente otros, la realización d’actividaes destinaes a arreglar les faltes nes infraestructures empresariales, según centralizar y dar calce al conxuntu de les demandes y necesidaes de toles empreses asitiaes na so área d’actuación.
A lo último, aprobóse primeramente’l proyectu de compensación de la unidá d’execución 94B (carretera Ceares). Cuidao que les condiciones de la ordenación nun dexen la formación de parcela independiente, na que pudiera materializase l’aprovechamientu urbanísticu que-y correspuende al Conceyu, la promotora del espediente propón la so alquisición por aciu la correspondiente indemnización, afitada en 307.118’98 euros.
L’aprobación definitiva del proyectu de compensación va portar la tresmisión al Conceyu de Xixón de tolos terrenes de cesión obligatoria y gratuita, que nesti casu suponen xuna parcela de 1.200 metros cuadraos, destinada a zones verdes, y otra parcela de 248’7 metros cuadraos, destinada a viario públicu, yá esistentes.