La Comisión Executiva de l’Agrupación Municipal Socialista de Xixón axuntóse’l miércoles 24, en formatu telemáticu, para falar de la situación política nacional, rexonal y local.
Abrió l’alcuentru Roberto Lena Díaz, secretariu d’Organización, para informar sobro los movimientos d’afiliación.
En cuanto al analís políticu nacional, yá dientro del orde del día, el secretariu xeneral de l’Agrupación socialista, Iván F. Ardura, destacó les bones resultancies y recuperación d’espaciu del PSC nes elecciones catalanes, les tensiones y discutinios xeneraos nel Gobiernu de coalición y el desbloquéu de les negociaciones pa la renovación nes instituciones del Estáu.
A nivel rexonal, incidió na baxada de la incidencia de la pandemia y el bon ritmu de vacunación al respective de otres comunidaes, apelando a la responsabilidá de toos y toes pa nun relaxanos.
A nivel municipal, el Plan de Movilidá y la construcción d’una estación de la ITV en Granda, fueron dalgunos de les temes trataes. La noticia positiva foi l’amenorgamientu de restricciones nel conceyu, pasando esta selmana de 4+ a nivel 4, debíu al retrocesu nes persones arimaes. Ana González, alcaldesa de Xixón anunció que’l gobiernu local va trabayar estrechamente, como hasta agora, cola Conseyería de Sanidá pa buscar fórmules que dexen aumentar el ritmu de vacunación nel nuesu conceyu.