L’actividá de l’Agrupación Municipal Socialista de Xixón completóse esta selmana cola xunta telemática del Grupu de Trabayu de Relaciones cola Sociedá que tuvo llugar el xueves 11 de febreru.
Dientro del orde del día, Pedro Alberto Marcos, secretariu de la área, foi l’encargáu d’abrir la xunta para faer un resume de les actividaes llevaes a cabu pola Secretaría nos últimos meses.
La compañera Salomé Díaz Toral, concejala de Participación Ciudadana, Mercaos y Consumu informó y respondió a les entrugues de los 33 militantes y simpatizantes que participaron na actividá.
Ente otros, plantegáronse les Canales de Participación Ciudadana nel Conceyu de Xixón, ente los que s’atopen los conceyos de distritu, los conseyos sectoriales, el Conseyu Social y l’Oficina de Reclamaciones y Suxerencies. Con al respective de esti postreru, la concejala destacó l’esfuerzu realizáu peles distintes árees pa contestar les reclamaciones pindies dende 2016.
Per otru llau, tamién se faló de les canales tecnolóxiques como son “Curia Xixón”, “Repara Xixón” y “Xixón Participa”. Nel momentu qu’ameyore la situación sanitaria quier reactivase el proyectu “Distritos d’Escucha” de relación directa coles y los conceyales de distritu.
Con respectu al reconocíu papel de les Asociaciones de Vecinos y Vecines como calce de comunicación col Gobiernu municipal, Salomé destacó les 160 xuntes calteníes coles asociaciones pa percanciar información pa la ellaboración del Plan de Barrios”, según la canal directa y personal abierto, al traviés de corréu y teléfonu, coles y los conceyales de Distritos.