Tres l’entamu del cursu escolar, el PSOE de Xixón entamó ayeri xueves 7 d’ochobre, una xunta del Grupu de Trabayu d’Educación.
L’alcuentru tuvo coordináu por Arancha Oblanca, secretaria d’Educación y Cultura de l’Agrupación Municipal Socialista de Xixón y por Cristina Elia Rodríguez Gutiérrez, coordinadora del grupu de trabayu.
Nel primer puntu del día, Natalia González Peláez, concejala de Derechos, Bienestar Social, Educación, Infancia y Mocedá, plantegó diverses cuestiones tres l’entamu del cursu escolar y respondió a les consultes de les y los participantes sobre diversos temes ente los que s’atopaba la necesidá de crear una rede de trabayu pa llevar a la conceyalía les incidencies nes escueles, la meyora de la organización de los comedores escolares, les beques comedor, les ayudes a la conciliación y pa la compra de material escolar, les obres en centros escolares, les escueles deportives, billingüismu nes aules, la cooficialidá del Asturianu, o’l papel de los representantes del Conceyu nos conseyos escolares.
Coles mesmes, como segundu puntu del día, les compañeres y compañeros asistentes, presencial y telemáticamente, plantegaron temes d’interés nos qu’afondar en próximes xuntes del grupu de trabayu.